Schneemaa

(Toni Vescoli)


Zurück zur Liste



Du freusch Dich uf d'Wiehnacht
freusch Dich am erschte Schnee
Im Läbe bisch grad uf'gwacht
fangsch d'Sache erscht a gse
Du weisch na nüt vom Kampf
dä, wo die Grosse händ
Bousch en chlyne Maa us Schnee
mit Dine chlyne Händ Und luutlos fallt de Schnee
luutlos fallt de Schnee
Immer meh, immer meh Schnee
bis D'gar nüt meh chasch gseh

Doch gly emal wird's taue
wird's Früehlig au bi Dir
Fangsch a ume miaue
dänn underschrybsch Papier
Und schliesslich häsch dänn sälber Chind
wo hüt veruse wänd
Du bousch en grosse Maa us Schnee
mit Dine schtarche Händ


Und luutlos fallt de Schnee
luutlos fallt de Schnee
Immer meh, immer meh Schnee
bis D'gar nüt meh chasch gseh ... Immer wänn de Schnee fallt
dänn chunnt die Zyt vo de Rueh
Dass öppis Neu's entschtah chaa
drum macht d' Erde d' Auge zue

Mir freued eus uf d'Wiehnacht
und uf de nöchschti Schnee
Dass mir alli dänn na zäme sind
mer wünsched 's werdi gscheh
Dass d' Nonna und de Nonno
na vor ihrem Läbesänd
Boued ame Schneemaa
mit zitterige Händ

Und luutlos fallt de Schnee
luutlos fallt de Schnee
Immer meh, immer meh Schnee
bis D'gar nüt meh chasch gseh
 


Zurück zur Liste